Buku Ende HKBP No. 791 - O Hamu Parangan

Ayat 1.
O hamu parangan ni Tuhanta i
Borhat ma hamuna tu tongtangan i
Kristus Ulu Balang do partogi i
Na marhamonangan di mandera silang i

O hamu parangan ni Tuhanta i
Borhat ma hamuna tu tongtangan i

---

Ayat 2.
Taluhon hamu ma haholomon i
Na mambaen marje hajolmaon i
Hata ni Tuhanta baen sinjatami
Pajongjonghon hatigoran dohot dame i

O hamu parangan ni Tuhanta i
Borhat ma hamuna tu tongtangan i

---

Ayat 3.
Parangan na monang, na porsea i
Na tongtong mardalan raphon Tuhan i
Pamatang ni Kristus do Huria i
Sada panghirimon nang haporseaon i

O hamu parangan ni Tuhanta i
Borhat ma hamuna tu tongtangan i

---

Ayat 4.
Angka Harajaon, na lao salpu do
Huria ni Kristus sai manongtong do
Pintu ni naroko, nang tartaban do
Padan na binaenNa dipasinghop Jesus do

O hamu parangan ni Tuhanta i
Borhat ma hamuna tu tongtangan i

---

Ayat 5.
Sai udur ma hita raphon Kristus i
Rap marsurak hita pasangaphon i
Puji ma goarNa, na badia i
Rap dohot suruan lao manomba Tuhan i

O hamu parangan ni Tuhanta i
Borhat ma hamuna tu tongtangan i

---

Syair: O Christiansoldier; Sabine Bring Gould, 1864
Lagu: Arthur Seymour Sullivan, 1871
Terjemahan: Pdt. M Hutapea / Pdt. JAU Doloksaribu

Ayat Alkitab Pilihan:

Anda telah membaca Buku Ende HKBP No. 791 - O Hamu Parangan. Semoga iman saudara bertumbuh dan berbuah dalam kasih Yesus Kristus. Amin.

Share :