Buku Ende HKBP No. 746 - Sabam Ma Ho
Ayat 1.
Sabam ma ho, sabam ma ho tondingku
Benget ma ho mamorsan silangmi
Pir ma tondim, satia do TuhanMu
Ibana do patogu langkamu
Nang pe rahis, maol sidalananmu
Tulus do i baenon ni Tuhanmi
Ayat 2.
Sabam ma ho, sabam ma ho tondingku
Tu Tuhan i tinggangkon holsomi
Tongtong do ho disarihon Tuhanmu
Benget ma ho, di parungkilonmi
Sai hot ma ho manghirim di Tuhanmu
Monang do ho di paraloanmi
Ayat 3.
Sabam ma ho, sabam ma ho tondingku
Satongkinon so do galumbang i
Marujung do na hansit taononmu
Pos rohami donok do Tuhan i
Tuhanmu do parade ingananmu
Di Surgo i huta na sonang i
Syair: Be still my soul; Katharina von Schlegel, 1752
Lagu: Jean Sibelius (Lagu Finlandia)
Terjemahan: Pdt. JAU Doloksaribu
Ayat Alkitab Pilihan:
Anda telah membaca Buku Ende HKBP No. 746 - Sabam Ma Ho. Semoga iman saudara bertumbuh dan berbuah dalam kasih Yesus Kristus. Amin.
Post a Comment for "Buku Ende HKBP No. 746 - Sabam Ma Ho"