Buku Ende HKBP No. 735 - Hohom Ma Ho
Ayat 1.
Hohom ma ho, hohom ale tondingku
Satongkin taon ma parungkilonmi
Tu Tuhan i pasahat ma holsomu
Iluilum nang dohot lungunmi
Haposi ma huaso ni Tuhanmu
Daging tondim sai ramotanNa i
Ayat 2.
Hohom ma ho, hohom ale tondingku
Ai Jesus do tongtong partogimi
Marungkil ho di tingki naung salpu
Tingki na ro gok las ni rohami
Ndang lonong ho nang gumalunsang laut
Ai Debata do donganmi disi
Ayat 3.
Hohom ma ho, hohom ale tondingku
Paborhat ma hinaholonganmi
Ponjot roham marabur iluilu
Na sai laon rosu parsaoranmi
Pos ma roham di Tuhan Debatamu
Na margogoi mangapul rohami
Ayat 4.
Hohom ma ho, hohom ale tondingku
Satongkinnai boi ma pajumpang ho
Pos rohami satia do Tuhanmu
Tu Surgo i do boanonNa ho
Raphon sude na hinaholonganmu
Dohot suruan i marende ho
Ayat Alkitab Pilihan:
Anda telah membaca Buku Ende HKBP No. 735 - Hohom Ma Ho. Semoga iman saudara bertumbuh dan berbuah dalam kasih Yesus Kristus. Amin.
Post a Comment for "Buku Ende HKBP No. 735 - Hohom Ma Ho"